تدريني احبك مدمن انا عليك....قصيدة رهيبة

ماناسيك انا ولا نكرت اهواك
لكن مبتعد من صالحك اني



ما ريدن اكونن سبب تعبك دوم
وما رايد تظل بأحزان وتعاني



لو كلفت تكره حتى اسمي بيوم
وبعيونك اصيرن مجرم وجاني



لان ماريد يوم الكَاك مهموم
ولا اقبل تظل موجوع وتاني



راح ابتعد عنك مو لان انساك
شينسي الكَلب يل صرت عنواني



تدريني احبك مدمن انا عليك
وانت اغله الحبايب واغله خلاني



اغله من الكَرايب واغله هاي الناس
وانا بعدك حبيبي امسيت وحداني



راح ابتعد وعمي العين من فركَاك
اخاف اتحب بعدكم تشهد اجفاني



وحكَ عينك عزيزه ادموع هاي العين
ولون تدري القرار اشكثر اذاني



وما ابجي جذب بفراكَ كلمن جان
بس بعدك حبيبي دموم بجاني



مثل بيت وبعادك هدلي الاركان
شلع ساسي شلع مارحم حيطاني



واخاف تمر عليك اجنازتي بفد يوم
اريدك يا حبيبي اتصير دفاني



اكتب فوكَ كبري ابدمع من العين
ماعاشر حبيبي وخاني ابثاني

ارجو ان تنال اعجابكم

تسلم ايدك حسوني الوردة على الكلام الجميل

حبيب قلبي تدلل

وان شاء الله القادم اجمل واحلى

منور حبي بمرورك المشرف

احترامي

[شمس الغروب]

تسلم على هذا الكلام الحلو

منوووووووورة شموسة عيني
وتدللين واي شي ثاني اني حاضر

احترامي

[المستبده]

تسلم اخ حسين عاشت ايدك

تسلم ياحسين
وان شاء الله الابداع الدائم
تحياتي