ابوذيات حلوه لعيونكم

[صقر ديالى الحزين]

السلام عليكم
شلونكم حبايب (شباب بنات)
ان شاء الله بخير
عندي كم ابوذيه احب اهديه الكم



تسودن عقلي من حبك جنابك
وبخت كلمن مسى وكاعد جنابك
اسومن والتمس حضره جنابك
الف نعله على ابوك العم عليه


حبيبي شلون مااحبك ولا بيك
وامك ماتحن مثلي ولا ابيك
عساهن بيه لوعاتك ولا بيك
ويحول كل مرض منك عليه


ابيك انه وابد مااكول مابيك
يل كلك محنه وشين مابيك
غبت عني واكول شبيك مابيك
من اغيبن هم يظل بالك عليه


مليت انا ايمه و... مادفني
واعزفت من نار كلبي مادفني
متت اني بمحبته مادفني
ماحطني بكبر حط الكبر بيه



غيابك خلخل اعضامي وهدهن
واجر حسرات ببعادك وهدهن
الي دمعات لو ابجي واهدهن
تفيض اليابسه ونغرك سويه



شجاك شغيرك عني ولا هاك
وحك رب البشر كلها ولا هاك
بعد شبيك مااكلك ولا هاك
ولا اريدك تجي وتسأل عليه


لجل عينك لشد رتبه ملازم
وبحبك لظل اطبع ملازم
اذا متريدني " عوفني ملازم
الف واحد يذب روحه عليه


انا الصياد صادتني شبكتك
دخيل الله شكثر حلوه شبكَتك
ادك اعليك مشغوله شبكتك
اظن مغلق جهازك بس عليه



تحياتي للجميع

حبيبي شلون مااحبك ولا بيك
وامك ماتحن مثلي ولا ابيك
عساهن بيه لوعاتك ولا بيك
ويحول كل مرض منك عليه


تسلم ايدك على هذة الابوذيات الجميلة والاكثر من رائعة ياصقر

[حديثة في القلب]

غيابك خلخل اعضامي وهدهن
واجر حسرات ببعادك وهدهن
الي دمعات لو ابجي واهدهن
تفيض اليابسه ونغرك سويه

الله عليك عاشت ايدك روعه والله
تقبل مروري

[صقر ديالى الحزين]

اقتباس المشاركة الأصلية كتبت بواسطة flowers حبيبي شلون مااحبك ولا بيك وامك ماتحن مثلي ولا ابيك عساهن بيه لوعاتك ولا بيك ويحول كل مرض منك عليه تسلم ايدك على هذة الابوذيات الجميلة والاكثر من رائعة ياصقر

مشكوره عيوني ورود على المرور العطر
مشكوره يا احلى ورده بالمنتدى

تحياتي

همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه

ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

صب خدك حلو ناعم شيمسحجن
حبر مانزلن دموعي شيمسحجن
الكلب لوراد يلمس شيمسحجن
اذا مسيت ينكص جف اديه