دردشة العاشق

[aL3asH8]

السلام عليكم

اولاً أحب ارحب بيكم في منتدياتكم منتديات العاشق ....

ثانياً كلكم اكيد شفتوا الشات الي مركبه
http://www.3ash8.com/chat
وطبعاً مثل ما تعرفون الشات محتاج مشرفين ذووا كفاءة يستطيعون إدارته بالصورة الصحيحة
الي يشوف نفسه متمكن من هذا الموضوع وعنده خبرة يقدم طلبه في المنتدى او يرسل رسالة خاصة وراح يكون تحت الاختبار لفترة معينة واذا كان يستحقها فأكيد يتثبت واذا لم يكن كذلك اتمنى ما يزعل مني لأن غايتي اولاً واخيراً مصلحة الموقع كله .....

تقبلوا تحياتي
العاشق

[ALrawi]

بالنسبة لي فما اكدر لاني مشغول بالامتحانات وثانيا اعرف نفسي اني مو كد السالفة
وانشاءالله تلقى العضو المضبوط إلي يستاهل الاشراف عليه ويكون كدها من صدك
تحياتي العطرة

[aL3asH8]

مشكور اخوي الراوي
وان شا الله موفق بالامتحانات

تحياتي

[DARK-HACKER]

حبيبي الغالي واخوية العاشق
كان عندي اقتراح شوفو ررايي وانطوني رايكم بيه
يعني صعبة بتصوري يقعد شخص يقابل الجات لكونه مسؤل عليه او يراقب كل صغيرة وكبيرة
وما اتصور تلقي احد عنده هذا التفرغ الكامل
فقلت لو تخليها بيد مشرفين الاقسام نفسهم يعني هم الله يزيدهم ان شاء الله مو قليلين
واذا يتقسم الوقت بيناتنا تصير المسالة سهلة جدا وماكو احد يتعب او يتغيب
يعني لو تعتمد على شخص واحد احتمال لاسامح الله هالشخص يتمرض او تصير عنده ظروف او قد ينقطع عنه النيت وهاي حالات شائعة جدا وتصير بكثير مرات
فتقريبا اقدر اقلك انه مستحيل يتحملها شخص واحد
وشوف رايي وانطينا خبر بيه ان شاء الله يعجبك
وبالمناسبة ان شاء الله موقف حبيبي الغالي الراوي بامتحاناتك
وتحياتي لكل اعضاء المنتدى

[Iraq's Angels]

بالنسبه الى فأؤيد رأى أخى دارك هاكر,,
وانشا الله تلكى اللى يستاهل الاشراف..

تحياتى.

[DARK-HACKER]

شباب ملاحظة عندي بخصوص الجات
ليش محد يدخل للجات
يعني على الاقل اي عضو يكون دائما موجود على طول بالمنتدى
مثلي خلي يقعد بالجات وحلو من يكونون اعضاء المنتدى على تواصل دائم وسريع
ياريت الكل يسمع برايي ويدخل للجات
تحاتي للكل

[Iraq's Angels]

انى المشكله ادخل بس يطلعلى حتشى امخربط اذا بالنسبه للاسماء الموجوده,
وهاى دائما يصير ويايه ,

[aL3asH8]

هذا الخلل من جهازك
في خلل بتعريب الويندوز
وراح احاول اشوفلك حل

تحياتي

[Iraq's Angels]

شكرا اخى العاشق, ops:

[DARK-HACKER]

شباب تحبون نتجمع فد يوم بوقت محدد
وندخل للجات بحيث يكون لقائنا مضمون
اذا انتو موافقين حددو وقت ونشوف
وافضل يكون التوقيت ياما حسب وقت بغداد او حسب توقيت كرنج يعني التوقيت العالمي
تحياتي الكم وانتضر اجوبتكم